Deputetja demokrate Rudina Hajdari, edhe një herë tjetër ka trumbetuar se mungesa e dialogut dëmton shqiptarët. Në fjalën e marrë në Kuvend, kryetarja e Grupit të Demokratëve deklaroi se arroganca e qeverisë ndikon negativisht për vendin.
“Shqipëria ndodhet në një moment të vështirë, ku nuk arriti të kapërcejë konfliktet. Prej 28 vitesh kjo frymë mbizotëron në këtë vend”, tha ajo.
Po kështu Rudina Hajdari apeloi që të bëhet e pamundura, për ti treguar BE-së se jemi në rrugën e ndryshimit, për të tejkaluar këtë ngërç që ka kapluar vendin.
“Unë mendoj se ne duhet të bëjmë të pamundurën, për ti treguar BE se po bëjmë përpjekjet maksimale, përballë kësaj krize. E kam të vështirë të shpjegoj arsyen pse opozita është jashtë parlamentit, kur ne duhet të jemi të bashkuar. Duke ndejtur në rrugë, nuk vjen ndryshimi”.
