Prej ditësh po përflitet për krijimin e një partie të re nga opozita parlamentare. Është deputetja Rudina Hajdari, e cila ka zbuluar se do të formojë një parti të re me ‘Nisma Thurrjen’.
Deputetja e ka lajmëruar edhe më herët se në shtator do shpallte nismën e saj për të krijuar një formacion të ri politik.
Ajo nuk do të jetë pjesë e Lëvizja Demokratike Shqiptare, që pritet të drejtohet nga Myslym Murrizi, por do të krijojë partinë e saj.
https://www.facebook.com/myslimmurrizi/posts/2321528744660346
Hajdari ka thënë se ka nisur mbledhjen e firmave, për t’u regjistruar zyrtarisht si parti e re.
“Do të krijoj një parti të re, por jo me Myslim Murrizin. Kemi nisur mbledhjen e firmave për t’u regjistruar zyrtarisht. Ditët në vazhdim nisim takime nëpër rrethe”, ka deklaruar ajo për Report TV.
Dy ditë më parë, deputeti Halit Valteri tha për Report Tv se opozita e re do të ketë një parti, dhe se Rudina Hajdari do të jetë bashkë me Murrizin. Siç duket, deputetja ka dalë jashtë parashikimeve.
