Bashkëkryetarja dhe përfaqësuesja e opozitës parlamentare në Këshillin Politik, Rudina Hajdari, ka vendosur që të bojkotojë punimet e sotme. Mbledhja po mbahet vetëm në praninë e përfaqësuesit të mazhorancës, Damian Gjiknurit dhe atyre të opozitës jashtëparlamentare, Petrit Vasilit dhe Oerd Bylykbashit.
Prej orës 17:00 po zhvillohet mbledhja e Këshillit Politik të Reformës Zgjedhore, por në këtë mbledhje deputetja Rudina Hajdari ka bojkotuar seancën.
Pika që ka krisur palët është KQZ-ja e re, mënyra e zgjedhjes së anëtarëve të saj. Kujtojmë se dy ditë më parë, Hajdari u largua para kohe me pretendimin se brenda po bëheshin pazare për ndarjen e tenderit, për identifikimin biometrik. Ajo u shpreh se kishte punë më të rëndësishme për të bërë, dhe u largua disa orë para të tjerëve.
