Pjesa e parë e ditës do të jetë në mbizotërimin e kthjellimeve dhe kalimeve të pakta të vranësirave, ku më të dukshme do të jenë në zonat malore.
Sipas MeteoAlb, pjesa e dytë e ditës sjell shfaqje të vranësirave të lehta në pothuajse gjithë territorin shqiptar, ku më të theksuara vranësirat do të jenë në zonën lindore.
Temperaturat e ajrit do të rriten lehtë në mëngjes dhe në mesditë, duke luhatur vlerat ditore nga 13 gradë Celsius deri në 33 gradë Celsius.
Era do të fryjë mesatare dhe e fortë në det me shpejtësi 50 km/h nga drejtimi verior-veriperëndimor, ku më e pranishme do të jetë në detin Jon duke krijuar dallgëzim 3-4 ballë.
