Ministri i Brendshëm, Sandër Lleshaj ka zbuluar ditën e sotme se sa varion cmimi i kanabisit në tregun shqiptar.
Gjatë fjalës së tij në Kuvend, Lleshaj tha se 1 kg kanabis mund të shitet deri në 800 euro. Kjo sipas tij, tregon se kultivimi i kësaj bime është reduktuar në mënyrë të ndjeshme.
Ai shtoi se për vitin 2019, trafikimi i kanabisit shqiptar në Itali është ulur me 600%.
“Në vitin 2020 do thellojmë luftën ndaj kanabisit, për ta çrrënjosur këtë fenomen. Kanabisi në Shqipëri është kultivuar kryesisht për t’u trafikuar jashtë vendit. Italia ka qenë destinacioni i parë i trafikimit, dhe po ju them se në 2019 janë kapur 6 herë, që do të thotë 600% më pak kanabisi se një vit më parë. Çmimi i kanabisit i trafikuar brenda vendit tonë ka pësuar një rritje të jashtëzakonshme dhe e ka ngritur në nivele të panjohur, shifra që shkojnë në 800 euro për kilogram, që tregon reduktimin në mënyrë të jashtëzakonshme të kanabisit në vend”, tha ai.
