Nuk duket të ketë paqe për Spanjën e cila ka shënuar sërish rritje në numrin e viktimave të shënuara nga koronavirusi.
Në 24 orët e fundit në Spanjë raportohet të kenë humbur jetën 743 persona, ose e thënë ndryshe 106 më shumë se ditën e djeshme.
Spanja regjistron tani 13,798 viktima nga COVID-19, vendi i dytë në botë pas Italisë, për numrin më të madh të viktimave të shënuar nga ky virus.
Katër ditët e fundit shifrat ishin në zbritje në Spanjë, duke krijuar shpresën se piku mund të kishte kaluar, por bilanci i sotëm vë në mëdyshje çdo gjë.
Deri më tani në Spanjë janë konfirmuar më shumë se 140 mijë raste infektimi me koronavirus.
