Numri i të infektuarve me COVID-19 është rritur ndjeshëm ditët e fundit në Gjermani.
Sipas institutit Robert Koch, numri i infektimeve gjatë shtatë ditëve të fundit (deri më 18.08.2020) është rritur gjithsej me 7 391 raste.
Lidhur me këtë zhvillim, ka reaguar e shqetësuar kancelarja gjermane Angela Merkel.
Ajo iu ka bërë thirrje qytetarëve për respektimin e rregullave:
“Kush kthehet nga pushtimet nga zonat e rrezikut duhet të bëjë test. Ne duhet të respektojmë rregullat dhe të informojmë për rregullat.
Në këtë moment ka përparësi ruajtja e vendeve të punës dhe mbajtja hapur e shkollave dhe kopshteve. Jemi në pandemi.
Virusi është këtu!
Ky është një zhvillim që nuk duhet të vazhdojë kështu, e të cilin duhet ta zbusim.
Rregullat e karantinës për zbutjen e virusit janë shumë të rëndësishme.
Kush kthehet nga një zonë rreziku, duhet të testohet patjetër.
Karantina nuk është mundësi, por detyrim.
Kush del nga karantina, sepse nuk ka simptoma, megjithëse është testuar pozitivisht, i rrezikon në mënyrë masive të tjerët. Vetëm nëse bie sërish numri i infektimeve mund të ketë heqje të kufizimeve”.
