Italia ka regjistruar sërish një rritje të rasteve të reja me koronavirus.
Gjatë 24 orëve të fundit, në vendin fqinj janë shënuar 412 raste të reja, në krahasim me 259 që u regjistruan një ditë më parë.
Ndërkohë, edhe numri i viktimave është rritur. Në 24 orët e fundit janë shënuar 6 viktima, ndërsa dje u regjistruan vetëm 4.
Deri më tani, në Itali janë shënuar 251.237 raste me COVID-19 dhe mbi 35 mijë viktima. Aktualisht, në vend janë ende 13.561 raste aktive me koronavirus.
Italia e cila dikur ishte në krye të listës së vendeve më të prekura nga COVID-19, tani nuk është më pjesë as e dhjetë vendeve më të prekura.
Sipas Worldometers, Itali renditet aktualisht në vendin 17-të në listën e vendeve me numrin më të lartë të infektimeve.
Më shumë se 20.3 milionë njerëz nga e gjithë bota janë prekur nga koronavirusi, ndërsa mbi 741 mijë persona kanë humbur jetën.
Prej këtyre rasteve, mbi 13 milionë persona janë shëruar ndërsa mbi 6 milionë raste janë ende aktive.
