Presidenti amerikan Donald Trump, gjithmonë e më shumë shprehet kundër Kinës, duke kërkuar që të mbajë përgjegjësi për pandeminë. Përplasjet dhe tensionet në distancë mes Shteteve të Bashkuara të Amerikës dhe Kinës, nuk kanë të ndalur.
Ajo çfarë raportojnë mediat e huaja është për një skenar të keq, ku mund të përfundojë në një luftë të hapur. Duket gjithnjë e më e afërt përballja ushtarake mes dy titanëve, SHBA-së dhe Kinës.
Përveç koronavirusit, ekzistojnë dy fronte të tjerë shqetësues: përplasja detare në Paqësorin Jugor dhe fronti tjetër i 5G. Por skenari më shqetësues është i pari, ai i COVID-19. Shtëpia e Bardhë shigjeton Pekinin se qëllimisht ka fshehur koronavirusin për të dëmtuar ekonomikisht SHBA, dhe për të penguar rrugëtimin e Trump në zgjedhjet presidenciale.
Sipas analistëve, përplasja ushtarake mund të fillojë në frontin e Detit Jugor të Kinës, ku flotat e Pekinit dhe Uashingtonit janë përballur me njëra-tjetrën prej pesë vitesh.
