Pjesa më e madhe e vendit tonë do të jetë në dominimin e kushteve të qëndrueshme atmosferike, të cilat do të sjellin mbizotërim të kthjellimeve dhe kalime të pakta të vranësirave.
Sipas MeteoAlb, në zonat malore parashikohet që vranësirat të pësojnë zhvillime të përkohshme në orët e mesditës dhe pasdites.
Temperaturat e ajrit do të rriten lehtë në mëngjes dhe ndjeshëm në mesditë, duke luhatur vlerat ditore nga 6 gradë Celsius deri në 25 gradë Celsius.
Era do të fryjë e lehtë dhe mesatare me shpejtësi 35 km/h nga drejtimi Perëndimor, duke krijuar në det dallgëzim 2 ballë.
