Karantina nuk është përjetuar mirë nga të gjithë. Sikundër ka edhe nga ata të cilët e kanë shijuar pa masë izolimin që na ofron kjo periudhë pandemie. Aktori i humorit Sejfulla Myftari, i njohur nga të gjithë si Cekja, ishte së fundmi në një lidhje direkte për emisionin “Shqipëria ime”. Ai ka treguar se nuk është mësuar të qëndrojë kaq gjatë në shtëpi, ndaj edhe zënkat me gruan nuk mungojnë.
Cekja po e kalon karantinën me bashkëshorten dhe me djalin. Aktori shprehet se ndonëse ka 40 vite me gruan, sërish zënkat nuk mungojnë mes tyre. Ai ka treguar ndër të tjera se nuk angazhohet për të bërë punë shtëpie. E ndërsa marrëdhëniet me ushqimin duket se i ka mjaft të mira. Izolimi ka dhënë efektet edhe tek konsumimi i tepër i ushqimeve, për të cilën ai thotë se nuk i ka vendosur vetes orare.
“Me gruan zihem, s’kam ça të bëj tjetër. Rri, rri, zihem me gruan. Tashmë më është bërë si motër, kam 40 vite me atë. Nuk bëj punë shtëpie, nuk ia them fare. Për çfarë ta ndihmoj unë në shtëpi? Gruaja në shtëpi, unë gjellë nuk bëj. Deri te sallata jam.
Nuk ka shanse të laj enët, i thyej. Të rrish në shtëpi, vetëm bukë të hahet. Dhe në 12 të natës ha bukë. Kam shtuar ja një gjysmë kile këto kohë, jo më shumë”, ka treguar Cekja.
