E enjte, 17 Qershor, 2021
15.5 C
Tirana

Rrëzimi i qeverisë së Albin Kurtit, Thaçi hedh hapin e radhës

Të hënën, presidenti Hashim Thaçi pritet që të thërrasë partitë politike për konsultim, lidhur me formimin e qeverisë së re. Sipas tij, do të rishikohet mundësia që në çdo formë të eliminohet mundësia e zgjedhjeve të reja. Kujtojmë këtu se Parlamenti i Kosovës miratoi mocionin e mosbesimit për rrëzimin e qeverisë së Albin Kurtit me 82 vota pro mocionit, 32 kundër dhe 1 abstenim. Ky mocion u iniciua nga Lidhja Demokratike e Kosovës dhe u përkrah nga të gjitha partitë opozitare dhe minoritetet. Vetëm deputetët e Lëvizjes Vetëvendosje votuan kundër rrëzimit të qeverisë të udhëhequr nga lideri i kësaj partie, Albin Kurti.

“Pas rënies së qeverisë, nga e hëna duke respektuar Kushtetutën, do të fillojë konsultimet me partitë politike. Fokusi im do të jetë në çdo rrethanë të eliminohet mundësia e zgjedhjeve të reja, si dhe shpërndarjes së Kuvendit. Qeveria aktuale në ikje, është në detyrë dhe duhet t’i kryejë punët. Duhet të shkohet me një qeveri të unitetit në mënyrë që të shkohet me reformat e nevojshme”, ka thënë Thaçi.

Lidhur me situatën me koronavirusin në Kosovë, Thaçi është shprehur se janë vënë në shërbim të qytetarëve të gjitha kapacitetet e shtetit.

“Më vjen mirë që shoh të gjitha kapacitetet e shtetit të Kosovës, në shërbim të përballjes me koronavirusin. Këtu në Qendrën e Studentëve që është kthyer në karantinë, është bërë për të mirën e atyre që kthehen dhe për ruajtjen e shëndetit të familjeve të tyre. Është inkurajues gjithë ky vullnet për përballimin e çdo rasti. Mesazhi im si president i vendit është që të preventohet e keqja në këtë betejë. Rrini në shtëpi, dhe kujdesuni për veten dhe shoqërinë. Pra kujdes maksimal, dhe rrini në shtëpi”, ka thënë presidenti.

Lexo edhe :   Takimi Kurti-Vuçiç, në Bruksel i pranishëm do të jetë edhe Presidenti Biden

Në Kosovë ka shkuar në 86 numri i personave të infektuar me COVID-19. Instituti Kombëtar i Shëndetësisë Publike, ka deklaruar se shtatë persona të tjerë kanë rezultuar së fundmi pozitivë, në testimet e bëra për koronavirus. Mes të infektuarve është edhe një  mjeke.

Lexo edhe :   Takimi Kurti-Vuçiç, në Bruksel i pranishëm do të jetë edhe Presidenti Biden

“Rasti i koleges tonë nuk do të na dekurajojë dhe demotivojë që së bashku me kolegët e tjerë të ofrojmë ndihmën mjekësore për pacientët tonë. Këtë do ta bëjmë në çfarëdo kushtesh dhe rrethanash”, thuhet nga Klinika Infektive e Qendrës Klinike Universitare të Kosovës.

- Reklama -

Më shumë nga kategoria




Të fundit

Reporterët pa Kufij: Rusia po i vret mediat e pavarura

Reporterët pa Kufij paralajmëruan për “zhdukjen graduale” të mediave të pavarura në Rusi dhe i kërkuan presidentit Vladimir Putin që të shfuqizojë të ashtuquajturin...

Italia ”shkërmoq” Zvicrën dhe kalon në raudin tjetër të ”Euro 2020”

Përfundon ndeshja e Grupit C. Italia ka mundur me rezultatin e pastër 3-0, Zvicrën dhe është kualifikuar në raundin tjetër të “EURO 2020”. Ndeshja u...

Irani synon blerjen e satelitëve rusë

Njoftimet se Irani po kërkon të blejë një sistem satelitor rus të avancuar nuk janë "veçanërisht shqetësuese" për sigurinë e trupave amerikane në rajon,...

Padia e Metës për Teatrin Kombëtar, Kushtetuesja tërhiqet për të marrë vendimin

Ka përfunduar pas 12 orësh, seanca në Gjykatën Kushtetuese për çështjen e shembjes së Teatrit Kombëtar, e cila filloi mëngjesin e sotëm rreth orës...

“Mos përdor gjuhën e Bashës”/ Spiropali debat me Abilekajn për 25 prillin

Ministrja e Shtetit për Marrëdhëniet me Parlamentin dhe gazetari Enton Abilekaj, janë përfshirë në një debat mbrëmjen e sotme. Të ftuar në emisionin ''Open''...