Prokuroria e Posacme Kundër Korrupsionit dhe Krimit të Organizuar (SPAK), ka përfunduar hetimet për dy prej të dyshuarve për rrëmbimin dhe vrasjen e Jani Prengës.
Kjo për faktin, se kërkimet e policisë për gjetjen e trupit të Prengës, i cili u rrëmbye në janar të vitit 2019 në Kamëz, nuk dhanë asnjë rezultat.
Bëhet fjalë për Festim Bexhdilin, kopshtar i resortit luksoz Hajri, si dhe Olsi Turjan, ndaj të cilëve rëndon akuza e rrëmbimit kryer në bashkëpunim, me pasojë vrasjen e babait të 3 fëmijëve.
Bexhdili është i vetmi që mbahet në paraburgim për rrëmbimin, torturimin dhe më pas vrasjen e 49-vjecarit Jan Prenga, ndaj burime pranë SPAK, konfirmuan se hetimet për të dhe Turjan u finalizuan dhe ndaj tyre u ngritën akuzat zyrtare, përderisa afatet e paraburgimit ishin drejt përfundimit.
Olsi Turja është liruar me herët, por megjithatë ai do të ulet në bankën e të akuzuarve me Bexhdilin, për të nisur përballjen me drejtësinë.
