E shtunë, 12 Qershor, 2021
26.5 C
Tirana

LSI: Të rinumërohet Durrësi e Berati, të ribëhen zgjedhjet në Gjirokastër

Zgjedhjet parlamentare të 25 prillit, i dhanë një goditje të forte Lëvizjes Socialiste për Integrim, pasi ishte partia e cila humbi më shumë nga votimet e së dielës.

Nga 19 mandate të fituara në zgjedhjet e vitit 2017, partia e drejtuar nga Monika Kryemadhi pati rënie drastike, teksa siguroi vetëm 4 mandate për legjislaturën e ardhshme.

Megjithatë, kjo forcë politike pretendoi se votat u manipuluan, dhe vetë Kryemadhi u shpreh përmes një deklaratë për mediat ditën e djeshme, se beteja vazhdon.

Ndërkohë, sot Sekretari i Përgjithsëm i LSI, Endrit Braimllari doli në një deklaratë, për të faktuar sipas tij masakrën zgjedhore që ndodhi me 25 prill, për të cilën akuzon mazhorancën.

Gjatë fjalës së tij, Braimllari u shpreh se LSI ka evidentuar manipulimet e procesit zgjedhor, të cilat po evidentohen, dhe do të ankimohen.

Braimllari informoi se LSI ka depozituar kallëzim në SPAK për manipulime të rënda të procesit zgjedhor nga komisionerët dhe drejtorët e mazhorancës, që manipulonin votat duke bërë shënime dhe duke i bërë të pavlefshme.

Gjithashtu, ai bëri të ditur disa ankimime për një sërë parregullsish në qendra votimi, si dhe kërkoi ribërjen e zgjedhjeve në Gjirokastër.

Deklaratë për mediat e Sekretarit të Përgjithshëm të LSI, Endrit Braimllari

Të nderuar qytetarë është shume e qartë dhe po faktohet moment pas momenti masakra zgjedhore që ka ndodhur në 25 prill me autor mafian e Rilindjes në pushtet.

Të gjitha manipulimet, e pafund të procesit zgjedhor janë evidentuar dhe po evidentohen një për një.

Ndonëse KQZ nuk ka nxjerrë akoma rezultatet përfundimtare pas të cilit lind edhe e drejta e ankimimit kemi bërë tashmë gati një sërë denoncimesh.

Këto denoncime do të depozitohen menjëherë pas daljes së rezultatit përfundimtar.

Por, ndërkohë kemi depozituar kallëzim në SPAK për manipulime të rënda të procesit zgjedhor nga komisionerët dhe drejtorët e Rilindjes që manipulonin votat duke bërë shënime dhe duke i bërë të pavlefshme.

Do të depozitohet ankimimi për përsëritjen e zgjedhjeve në Qarkun e Gjirokastrës, për përjashtim antikushtetues dhe  të paligjshëm, masiv të zgjedhësve nga e drejta për të votuar.

Do të depozitohet ankimimi për pavlefshmërinë të një sërë qendrash votimi në Berat.

Do të depozitohet ankimimi për Qarkun e Durrësit ne respect te parashikimeve ne kodin zgjedhore.

Do te depozitohet kërkesa për rinumërim në disa qarqe të vendit për shkak të manipulimeve dhe parregullsive të rënda në procesin e numërimit.

Si dhe vlerësimin e pavlefshmërisë së votave që lidhen me këtë process.

Kërkojmë nga KQZ, administrim me përgjegjësi absolute të të gjithë materialeve të votimit. Kërkojmë bllokimin e të gjitha materialeve të votimit dhe ruajtjen e tyre në respekt të ligjit dhe nën vëzhgim dhe monitorim me kamera.

Ndërkohë, do të vijojnë ankimimet në të gjitha qarqet pas kqyrjes së pamjeve filmike.

Ky evidentim dhe ky proces do të vazhdojë më përgjegjësi deri në fund për të zbardhur të vërtetën të masakrës dhe manipulimit që i është bërë vullnetit të shqiptarëve dhe votës së tyre.

Faleminderit.

- Reklama -

Më shumë nga kategoria




Të fundit

Vlorë/ Po ndiqej nga policia, automjeti përplaset dhe përmbyset

Një aksident ka ndodhur pasditen e sotme në qytetin e Vlorës. Mësohet se një automjet nuk ndaloi gjatë postbllokut të policisë, dhe shoferi,  në...

Ushtarët e Antikrimit s’mund t’i hidhen krimit

Nga: Preç Zogaj Drejtësia e re me bashkautorësi amerikane dhe europiane, në konceptim dhe zbatim, të cilën unë e kam mbështetur e do të vazhdoj...

Asisti i Shaqirit nuk mjafton, Zvicra ndalet nga Uellsi (Video)

Përfundon ndeshja e dytë e kampionatit europian ''EURO 2020''. Ndeshja e vlefshme për grupin A, midis Uellsit dhe Zvicrës është mbyllur në barazim, me...

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...