Teksa na ndan vetëm një ditë nga 8 Marsi, dita ndërkombëtare e gruas, emisioni “Soiree” solli mbrëmë në ekran disa prej figurave femërore më të njohura në vend si Edita Tahiri, Eni Çoabni, Linda Spahiu, Erinda Ballanca e shumë të tjera.
Gjatë bisedës, moderatorja Jonida Shehu pyet në një moment Avokaten e Popullit, Erinda Ballanca, se “kur ka qenë momenti që ajo ka menduar që mirë do ishte ta kisha burrin në krah”.
Ish-bashkëshortja e analistit të njohur Andi Bushati, u shpreh se “ka mbi 12 vjet e ndarë dhe që herë pas here e ndjen që është më mirë që njeriu të ketë një person me të cilin të trajtojë çështjet e jetës”.
“Në fakt mendoj çdo herë, nuk është se kam një mendim të përjashtuar. Unë kam mbi 12 vjet që jam vetëm dhe nuk e kam këtë gjë, por e ndjej herë pas here që është më mirë që njeriu të ketë një person me të cilin të trajtojë çështjet e jetës, nuk them se do të duhet të varem, sepse mua nuk më duhet të varem prej një mashkulli”, tha Ballanca.
“Në kohën që kam patur një partner kam qenë shumë më mirë për shumë çështje. Madje duhet të them se çuditërisht, tani kur e kujtoj më duket edhe pak për të qeshur, por në momentin që jam ndarë, atëherë e kuptova që unë nuk dija më të jetoja vetëm. Më dukej sikur çdo veprim që kisha bërë gjatë gjithë jetës sime, kam qenë gjithmonë një vajzë e pavarur dhe e hedhur të themi gjatë gjithë jetës sime, më dukej sikur nuk dija të bëja asgjë, sepse isha mësuar për të qenë me dikë.
Por sigurisht që çdo gjë pastaj rimerret dhe jeta është shumë e bukur në të gjitha mënyrat që ajo jetohet. Rendësi ka jetosh në mënyrë të shëndetshme, ta jetosh e mbushur me dashuri për njerëzit që ty të rrethojnë dhe për të marrë dashuri nga njerëzit që ti ke pranë. Kështu që në këtë pikë mendoj se jam shumë e privilegjuar edhe pse nuk kam një mashkull në krah. Do të doja të kisha një mashkull në krah, por duhet të ishte ai i duhuri patjetër”, shtoi Avokatja e Popullit.
