30-vjeçarja e cila u plagos ditën e djeshme në zonën e “Xhamllikut”, së fundmi është prononcuar rreth ngjarjes.
Ajo rrëfeu se kishte dalë për të bërë pazar, pasi ka dy të moshuar në shtëpi.
Teksa po mbante radhën në supermarket, ka dëgjuar një zhurmë, e cila në fillim i është dukur si kapsollë.
Më pas, ajo tregoi për “News24” se ka parë dy njerëz në rrugicën e lagjes dhe nuk ka mundur të futej në supermarket pasi kishte shumë njerëz që shtyheshin.
Në këto rrethana, 30-vjeçarja ka tentuar të fshihet aty pranë, por në ato momente ka marrë një plumb.
Ajo pohoi se ka marrë dhe një dëmtim në krah dhe sipas mjekëve, bëhet fjalë për një plumb qorr.
