Policia italiane ka arrestuar një 40-vjeçar me origjinë shqiptare, pasi ky i fundit rrahu me shkop byreku gruan e tij.
Ngjarja u regjistrua në rrugën “Severino Ferrari” në Rimini, në orët e para të mëngjesit, ku një fqinj i çiftit lajmëroi policinë pas ulërimave të dëgjuara. Sipas mediave italiane, gruaja 35-vjeçare u përgjërua për ndihmë, ndërsa binte poshtë shkallëve të godinës me fytyrën e mbuluar me gjak.
Në momentin që autoritetet mbërritën në vendngjarje, ata e gjetën 35-vjeçaren me çarje të thella në fytyrë, këmbë dhe krahë të zhveshur në anën e rrugës. Gjatë kontrollit në shtëpinë e çiftit, policia gjeti sipër tryezës në kuzhinë, një shkop byreku me gjurmë të qarta gjaku.
Ndërkohë, burri shqiptar u gjet jo shumë larg ndërtesës dhe në gjendje të dukshme të dehur.
