Ronela Hajati dhe Young Zerka duket se i kanë dhënë fund lidhjes tre vjeçare. Ditë më parë ishte Zerka ai që hodhi dyshimet se ata janë ndarë, pasi në një intervistë për “Thumb”, kur u pyet nëse ishte single apo jo, ai tha; “Single, në kërkim të një shpirti të lirë”.
Kaq mjaftoi që të përflitej se ata të dy nuk ishin më bashkë. Sipas “Panorama Plus”, arsyeja e ndarjes ka ardhur nga një mosmarrëveshje e tyre, për ta bërë serioze lidhjen.
Siç duket, këngëtarja dëshironte ta bënte lidhjen serioze, gjë e cila nuk është aprovuar nga Zerka. Sipas miqve të çiftit, kjo ka qenë arsyeja që ata nuk janë më bashkë. Madje aludohet se kënga e Ronelës “Vuj” në “Këngën Magjike”, është një dedikim për Zerkën.
