Në Itali të gjithë janë në gatishmëri për të pritur Cristiano Ronaldon, i cili me shumë mundësi do ti bashkohet Juventusit në ditët e ardhshme. Por një “fake news” ka trazuar të gjitha mediat italiane, të cilat kanë nisur me nxitim gazetarët e tyre për në Aeroportin Linate të Milanos, ku besohej se do të zbriste ylli portugez me një avion privat.
E gjitha filloi pasi u raportua se një lojtarë shumë i rëndësishëm do të zbarkonte në Milano dhe vinte nga Ibiza. Ajo që panë në të vërtetë nuk ishte asgjë e tillë, thjesht një futbollist i Milanit si Fabio Borini.
Ndërkohë që gazetarët italianë prisnin në aeroport mbërritjen e Ronaldos, ishin mediat greke ato që i kthyen pas “duarbosh”, pasi fotografuan yllin portugez në ishujt grekë duke kaluar pushimet me familjen.
Gazetarë e operatorë të shumtë “pushtuan” Linaten, aty ku në orën 18:30 zbriti fluturimi i shumëpritur. Në fakt, në bordin e tij gjendej një futbollist, por jo ai që prisnin të gjithë, por Fabio Borini i Milanit.
