Sulmuesi i Juventusit, Cristiano Ronaldo nuk është i suksesshëm vetëm në fushë, por edhe në rrjetet e tij sociale.
Portugezi e ka kthyer veten në një markë, saqë ka arritur të tërheqë fitime të mëdha nga profilet e tij në rrjete sociale. Në fillim të kësaj jave, u zbulua se Ronaldo fiton rreth 42 milionë euro nga “Instagram”-i.
Duke iu referuar të dhënave të publikuara nga “Goal.com”, Ronaldo fiton më shumë nga rrjetet sociale, sesa nga paga e tij vjetore te Juventus.
Ylli portugez fiton me kontratë rreth 30 milionë euro, dhe kjo shumë është pothuajse 12 milionë më pak seç fiton në Instagram.
