Juventusi zyrtarizoi kthimin e Max Allegrit në stol. Tekniku italian ka firmosur një marrëveshje 5 vjeçare si teknik i Juventusit, ku do të fitojë 9 milionë euro në sezon plus bonuse.
Me ardhjen e tij te Juventusi pritet që të ndodhin jo pak ndryshime, duke nisur mbi të gjitha nga Kristiano Ronaldo. Portugezi nuk duket se është pjesë e planeve të 53-vjeçarit.
Madje, prapaskena e dalë pak muaj më parë fliste për një këshillë finale që Alegri i kishte dhënë presidenti Anjeli përpara se të largohej dy vite më parë:
“Hiqe qafe Ronaldon. Ai është vërtet një kampion, por prezenca e tij në klub pengon rritjen e talenteve të rinj si Dibala, por në të njëjtën kohë boshatis edhe arkat e klubit”.
Me rikthimin e tij kjo këshille mund të bëhet realitet, ndërsa i pari që do të ishte gati të rinovonte do të ishte pikërisht Dibala, por edhe Morata do të konfirmohej.
