Romeo Veshaj pranoi ndarjen nga Jonida Maliqi në emisionin “Thumb on”, duke deklaruar publikisht se është beqar. Ai u shpreh se nuk e ka mohuar asnjëherë lidhjen me Jonidën, dhe fakti që ka heshtur tregon se e ka pohuar që ata ishin bashkë.
“Çfarë ka ndodhur është e shkuar, anija u mbyt. Kapiteni u mbyt me gjithë anijen. Sado ta riparosh, Titaniku nuk lundron më”, tha më tej ai, duke iu referuar arsyes së ndarjes.
Por kjo deklaratë nuk ka shkuar në vesh të shurdhër, pasi një kundërpërgjigje e menjëhershme ka ardhur nga këngëtarja Jonida Maliqi. Ajo ka publikuar në Instagram një status ku thotë: “Ji i njëjti person privatisht, publikisht dhe personalisht”. Pas këtij statusi, menjëherë kanë nisur aludimet se këngëtarja e ka me Romeon.
