Roma ka arritur të marrë një fitore mjaft të rëndësishme në transfertë përballë SPAL-it, me rezultatin e thellë 3-0. Fitore që e ngjit Romën në vendin e tretë por që i jep edhe një vazhdimësi të mirë para përballjes me Liverpool në Champions League.
Ndeshja nisi me ritme të kënaqshme për verdhekuqtë e Di Francescos, por golin e avantazhit e gjetën vetëm pas gjysmë ore lojë. Kjo i hapi rrugën suksesit të miqve, që e mbyllën ndeshjen pa u mbushur një orë lojë me dy gola të tjerë, firmosur nga Nainggolan dhe Schick.
Kur kanë mbetur edhe katër javë nga fundi, Roma është e treta dhe ka katër pikë më shumë se Inter i vendit të pestë, por zikaltërit kanë luajtur një ndeshje më pak, atë që do të zhvillojnë nesër ndaj Chievo. SPAL mban vendin e 17-të, i fundit i disponueshëm për të qenë në Serie A edhe sezonin e ardhshëm.
