Bërja e tatuazheve dhe vendosja e pirsing, janë sot në modë kryesisht tek të rinjtë. Por gjermani Rolf Buchholz, e ka çuar deri në ekstrem pasionin e tij.
Sipas librit të Rekordeve Botërore Guinness, ai tani mban rekordin për më shumë modifikime të trupit në një person, plot 516 të tilla.
Nga këto, ai ka 453 pirsing, dhe 2 impiante të futura nën lëkurë në pjesën e kokës, që të ngjajnë si brirë.
Gati 90 për qind e trupit të tij, është i mbuluar gjithashtu nga tatuazhet. Rolf nuk ka kursyer as kokërdhokët e syve nga ndërhyrjet.
Edhe pse nuk dihet procedura e ndjekur, fakt është që e bardha e syve tani janë plotësisht e errët. Sot Buchholz është 60 vjeç, dhe fama e tij është ndërkombëtare.
Por deri 20 vite më parë, ai ishte një njeri i zakonshëm. Ai e bëri tatuazhin e tij të parë në moshën 40 vjeçare, dhe nga ai moment u bë i varur nga tatuazhet, teksa filloi të eksperimentonte më tej me pirsing.
Në vitin 2014, Rolf u kthye mbrapsht nga një aeroport në Dubai, për shkak të pamjes së tij të jashtme. Edhe pse tmerron shumë njerëz me pamjen e tij, Buchholz thotë se po planifikon të bëjë më shumë modifikime në trupin e tij.
TIRANA TODAY
