Aktori Robert De Niro, fitues i çmimit Oskar, i ka dhënë fund martesës së tij 20-vjeçare. Mediat e huaja shkruajnë se De Niro, 75 vjeç dhe bashkëshortja e tij Grace Hightower, 63 vjeçe, kanë qenë duke jetuar secili vetëm prej disa kohësh.
Çifti i martuar në 1997-ën ka dy fëmijë, ndërsa kjo ishte martesa e dytë e aktorit të njohur.
“Ndonjëherë gjërat nuk ecin ashtu siç ti shpreson”, tha një burim i afërt i familjes për revistën People.
De Niro, një nga aktorët më të respektuar amerikanë dhe fitues i dy çmimeve Oskar, është munduar gjithnjë të mbajë jetën e tij private larg medias.
