Rita Ora e ka në plan që së shpejti të krijojë një familje. Ndonëse është përfolur shpesh për romancat e saj të dështuara, ajo është e mendimit se në një të ardhme, një familje e madhe do ta përmbushte atë.
Së fundmi, Rita Ora u përfol se kishte nisur një romancë të re me këngëtarin e njohur Liam Payne. Ky i fundit, 3 vite më i ri në moshë se artistja, u dyshua se është partneri më i fundit i Ritës, pasi dyshja u fotografua në një restorant së bashku. Këngëtarja ka hedhur poshtë këto thashetheme, në një intervistë të dhënë për “The Sun”:
“Më bën të lidhur me çdo njeri me të cilin jam takuar, por, për të qenë e sinqertë me ju, tani një marrëdhënie nuk është përparësia ime kryesore. Por nuk dua ta lë shumë pas dere sepse në të ardhmen, dua të kem një familje të madhe. Unë e di që njerëzit kanë thënë se kam diçka me Liam Payne, ai është një nga njerëzit më të mirë që kam takuar ndonjëherë, ne jemi bërë miq të ngushtë”.
“Është e pazakontë të shohësh një djalë dhe një vajzë si miq të ngushtë dhe është e pazakontë që dy njerëz të famshëm të kenë një lidhje të veçantë, dhe jo të jenë të lidhur”, përfundoi këngëtarja.
