Drejtoria e Përgjithshme e Shërbimeve të Transportit Rrugor njofton se të gjithë që duan të rinovojnë lejen e drejtimit, tani nuk duhet të presin.
Përmes një postimi në Facebook, ata bëjnë me dije se lëshimi i kartonit të ri të nga 15 Gushti do realizohet në vetëm 30 minuta.
Kjo risi starton me Tiranën që ka dhe numrin më të lartë të aplikimeve, 45% në total. Kujtojmë që, më parë ky proces vononte 15 ditë. Në 2018-ën për dy muaj u bllokua fare prodhimi, i kartonëve duke sjellë kaos në këtë institucion.
Postimi i plotë:
Personalizimi/ Lëshimi i kartonit të ri të LejeDrejtimit (Patenta) nga 15 Gushti do realizohet në vetëm 30 minuta!
Aplikon për kartonin, dublikat, rinovim apo hera e parë pasi ke marrë provimet? Nuk tallemi – e merr po atë ditë, pa ardhur 2 herë!
Risia starton me Tiranën që lëshon ~45% e nr total! (kjo do ndihmojë që edhe me qytetet e tjera të ulim shpejt kohën!)
Paisjet e reja dhe sistemi eDM i gjithëpërditësuar, investime strategjike e të konsiderueshme të DPSHTRR, shpejtojnë shërbimin për qytetarin!
Në Nëntor 2018 ky proces vononte 15 ditë! Punuam, zhvilluam, programuam dhe riinvestuam nga të ardhurat që sot Tirana të shërbehet 720 herë më shpejt!
Në 2018-ën dy muaj u bllokua fare prodhimi, nuk kishte prokate, u bë torturë për qytetarët! Në 2019-ën deri sot asnjë ditë bllokim shërbimi!
As mik, as bakshishe, jo privilegj por e drejtë për të gjithë!
Oh se harruam! – PA TARIF EKSTRA!
