Ministrja e Arsimit Besa Shahini në një intervistë televizive deklaroi se vendimi për nisjen e kampionatit të futbollit do të merret më 11 maj.
Shahini u shpreh se do të dëshironte që të rifillonte futbolli, teksa shtoi se duhet të kemi durim.
“Unë do doja të rifillonte futbolli, por duhet të kemi durim. Me 11 maj bëhen dy javë nga hapja e 27 prillit.
Ky dy javësh do tregojë nëse janë rritur numrat për të parë se si do të veprohet. Në varësi do të vendoset nëse sporti do të lejohet të fillojë. Pas kësaj do i japim përgjigje kësaj pyetjeje”, tha ministrja.
