Prej disa kohësh, ka filluar rindërtimi i banesave të dëmtuara nga tërmeti i 26 nëntorit.
Kryeministri Edi Rama tha se BE ka vënë në dispozicion 100 milionë euro, por që nuk janë shfrytëzuar pasi ka ende procedura për t’i marrë paratë.
Në ‘Opinion’ Rama u shpreh se deri më tani për rindërtimin janë shpenzuar 20 miliardë lekë me projekte dhe 7 milionë me grante.
Edi Rama: ”Të gjitha janë në kantier. Shifrat e realizimit përditësohen çdo ditë. Nuk janë secret. Nuk jam i përgatitur tani t’ju them sa janë shifrat. BE ka 100 milionë euro për t’i investuar. Realizimi është investimi i kryer në terren dhe pagesa. BE ka vënë 100 milionë euuo për rindërtimin, e ka zero realizimin, sepse akoma nuk janë marrë paratë, realizimi është zero. Nuk mund të prisnim dhe kemi filluar me paratë e buxhetit. Ne i kemi filluar të gjitha kantieret jashtë Tiranës. Paratë janë të dedikuara, realizimi përditësohet çdo ditë. Aktualisht, janë 20 miliardë me projekte dhe 7 milionë me grante.”
