Kryeministri Rama dhe ministri Ahmetaj ndodhen në Dubai, për procesin e rindërtimit. Sot është firmosur marrëveshja për apartamentet e reja në Durrës.
Kjo marrëveshje vjen në një kohë kur ish-kryeministri Berisha, aludonte se Rama kishte shkuar në Dubai për të bërë vaksinën anti-COVID. Në këtë formë, kreu e qeverisë e përgënjeshtroi, duke dhënë një lajm të shumëpritur.
“Firmosim sot marrëveshjen e financimit dhe ndërtimit të 2000 apartamenteve të reja në Durrës, si edhe marrëveshjen ndërqeveritare për një program investimesh e përfshirjeje të kompanive më të mëdha emiratase. Nisim së shpejti me investimin e madh për transformimin e portit të Durrësit, në një nga portet më të bukur e më të mëdhenj turistikë të Mesdheut”, tha Rama.
