Konferenca e Donatorëve e cila pritet të mbahet në janar do të zhvillohet në Tiranë. Kjo konferencë ka për qëllim t’iu vijë në ndihmë të prekurve nga tërmeti i 26 nëntorit.
Presidentja e Komisionit Evropian, Ursula von der Leyen theksoi se mori mbështetjen e menjëhershme të të gjitha shteteve anëtare.
“Është gjë e mirë që ramë dakord për një konferencë donatorësh për Shqipërinë në Tiranë. Ishte inkurajuese të shihnim mbështetjen e menjëhershme të shteteve anëtare për të qenë përkrah shqiptarëve,”- tha ajo.
Kujtojmë se kryeministri Rama ishte pak ditë më parë në Stamboll, ku presidenti Erdogan mblodhi Konferencën e Vendeve Islamike për të dhuruar shuma monetare sa i përket rimëkëmbjes së Shqipërisë.
