Qeveria po harton një projektvendim për shpërndarjen e apartamenteve për familjet që kanë humbur shtëpitë nga tërmeti i datës 26 nëntor të vitit 2019.
Këtë e bëri të ditur Ministri i Shtetit për Rindërtimin, Arben Ahmetaj i cili së bashku me kryeministrin Edi Rama inspektuan ndërtimin e dy blloqeve të pallateve në Bashkinë Kurbin.
Sipas ministrit, ndarja e apartamenteve do të bëhet në fillimin për familjet në nevojë dhe pas kësaj faze do të nis shorti pranë njësive vendore.
“Familjet e para janë familjet më në nevojë. Pas prioritizimit, do të hidhet në një formë shorti në këshillin bashkiak apo një komision. 1+1 do të hidhen më vete, 2+1 do të hidhen më vete, 3+1 do të hidhen më vete”, tha Ahmetaj.
