Pas grabitjes së 9 prillit në aeroportin e Rinasit, Prokurorisë së Krimeve të Rënda i ka mbërritur përgjigjja zyrtare nga 3 bankat e nivelit të dytë, ku konfirmohet se janë grabitur rreth 6 milion euro.
Fillimisht ka pasur raportime kontradiktore për shumën e parave të grabitura në Rinas, dhe për këtë Prokuroria ka kërkuar një informacion zyrtar nga tre bankat, të cilat ranë pre e grabitjes.
Lidhur me këtë grabitje të bujshme janë arrestuar 6 persona, ndërsa ka mbetur i vdekur Admir Murataj, i cilësuar si truri i grabitjeve të parave të bankave të nivelit të dytë.
