Orët e paradites do të paraqiten nën ndikimin e vranësirave në të gjithë territorin e vendit, ku do të ketë edhe reshje shiu. Parashikohet që në skajin jugor dhe në zonat veriore, herë pas here të ketë rrebeshe shiu të izoluara.
Sipas MeteoAlb, mbeten vranësirat e shpeshta prezent përgjatë gjithë ditës duke krijuar mundësi për reshje shiu. Por pas mesdite parashikohet që reshjet të jenë në sasi më të pakët në zonat perëndimore.
Temperaturat e ajrit do të bien lehtë në mëngjes dhe në mesditë, duke luhatur vlerat ditore nga 8 gradë Celsius deri në 24 gradë Celsius.
Era do të fryjë mesatare deri e fortë me shpejtësi 45 km/h nga drejtimi verior-verilindor, duke krijuar në brigjet detare dallgëzim 3-4 ballë.
