Ish-kryetarja e FRESSH-it, Joleza Koka e cila mbahet mend për gafat e saj të shumta, është rikthyer sërish në politikë, pas një shkëputje dy vjeçare.
Emri i saj renditet në listën me 100 kandidatë për Këshillin Bashkiak të Tiranës.
Kujtojmë që gjatë fjalimit të saj në një aktivitet në selinë e Partisë Socialiste për shpërndarjen e teserave për anëtarët më të rinj, në vitin 2016, Joleza bëri një deklaratë jo fort të zakonshme.
“Edhe unë do të kërkoj falje ndoshta që jam akoma me veshjen… mbrëmë në darkë që kishim një festë në këtë lokalin që po përmendja, kishim dhe Blendi Klosin, ministrin. Sot në mëngjes unë u zgjova te shpia e një shoqes sime që është në një pallat me Saimir Tahirin dhe në fakt me ça pashë ishin rojet akoma poshtë, kam dalë pak më herët….Dhe madje një ditë tek Teatri Kombëtar ktheva kokën dhe gjej Kryetarin e Bashkisë (Erion Veliaj) që ishte ulur ngjitur me mua…”, tha Koka.
Por kryetarja e FRESSH nuk e la me kaq.
“Ishte një moment që ulet muzika dhe të gjithë të rinjtë njëzëri ja plasin dhe thonë ‘Të bëfsha gjeneratën’, po me ulërimë të madhe”, vijoi ajo.
