Adolfo Sormanin do të jetë zyrtarisht trajneri i ri i Partizanit. Mësohet se ai ka firmosur një kontratë 2.5 vjeçare me demat e kuq. Sot ai është prezantuar nga presidenti Demi para skuadrës dhe i është bashkuar ekipit në një seancë stërvitore në kompleksin sportiv” International Tirana” në Pezë.
Trajneri 54 vjeçar ka qenë pjesë e klubeve të Juventus e Napolit në Itali dhe së fundmi në krye të ekipit danez Velje, skuadër me të cilën regjistroi rezultate shumë pozitive.
Në drejtimin e Adolfo Sormanit i cili rikthehet në familjen e kuqe, përgjatë sezonit 2016 – 2017 ekipi arriti rezultate historike në kompeticionet evropiane, duke u kualifikuar deri në fazën play off të Evropa League” shkruan në faqen zyrtare klubi i Partizanit.
