Janë rikthyer skenat e dhunës në futbollin shqiptar. Sfida e Kategorisë së Dytë, Sopoti-Mirdita është ndërprerë pak minuta nga fundi i pjesës së parë, pasi një prej lojtarëve të Mirditës ka goditur me grushtë gjyqtarin kryesor të ndeshjes, Klajdi Qëndraj .
Klubi i Sopotit bën me dije se një lojtar i Mirditës ka protestuar për kartonin e kuq të marrë dhe më pas situata ka agravuar pasi ka goditur me grushta gjyqtarin, Klajdi Qëndraj duke e gjakosur dhe i thyer hundën.
Sfida është ndërprerë në minutën e 35-të, teksa rezultatin ishte 2-1 në favor të Sopotit, ndërsa është vendosur zyrtarisht që takimi të mos luhet.
Ndërkohë, mësohet se pas këtyre veprimeve, lojtari është futur në dhomat e zhveshjes, dhe nga dhomat e tualetit ka mundur të arratiset.
