Serbia është përfshirë sërish nga protesta të dhunshme, teksa qindra njerëz janë përleshur përsëri me policinë jashtë Parlamentit në Beograd.
Bëhet me dije se policia ka përdorur përdori gaz lotsjellës për të shtyrë prapa protestuesit, të cilët donin të hynin në ndërtesën e Parlamentit.
Këto protesta kanë nisur që prej datës 7 korrik, kur qeveria paralajmëroi rikthimin e orës policore. Pak ditë më pas, shtabi i krizave u tërhoq nga ky vendim.
Mirëpo këto protesta duket se janë kthyer në një lëvizje kundër qeverisë, për shkak të dhunës që policia ka ushtruar ndaj qytetarëve. Gjithashtu protestuesit kanë dalë kundër masës për ndalimin e tubimeve me më shumë se 10 persona, për të frenuar përhapjen e koronavirusit.
Përveç Beogradit, protesta janë regjistruar edhe në Novi Sad. Protestuesit mbanin një pankartë në duar me mbishkrimin “Kushdo që të rrah me një shkop, ti i jep një revolucion”.
Ndërkohë, raportohet se ka pasur protesta edhe në qytetet: Valjevo, Nish, Leskovac, Pirot dhe Vranje, ku deri më tani janë arrestuar 70 persona.
