Federata Shqiptare e Futbollit i ka dërguar sërish një letër kryeministrit Rama dhe ministrave të linjës, sa i përket rikthimit të futbollit sa më shpejt.
FSHF i ka dërguar edhe një shkresë qeverisë më 28 prill, por sipas saj nuk ka marrë asnjë përgjigje. Kështu FSHF i ka dërguar autoriteteve shëndetësore edhe protokollin mjekësor.
“Përmes kësaj shkrese iu kërkojmë një grup punë të përbashkët për implementimin e këtij protokolli. Ky protokoll është përgatitur pas konsultimeve me ekspertët e FIFA-s, UEFA-s dhe disa federatave homologe si dhe me stafin mjekësor të ekipeve kombëtare”, lexohet në letrën e FSHF-së.
Kujtojmë se në kërkesën e parë, Federata kërkonte nga qeveria rinisjen e stërvitjes në 2 maj. Ndërsa fillimin e ndeshjeve të kampionatit më datë 20 maj.
