Ndonëse nuk ka sjellë asnjë projekt muzikor të ri, Rihanna nuk i ka zhgënyer fansat, por i ka premtuar se kur diçka e mirë të vijë, atëherë ajo do hidhet në sulm. Por përtej jetës profesionale, në fokus është edhe jeta e saj private. Ajo u zbulua për herë të parë se ishte në një lidhje romantike me miliarderin arab Hassan Jameel, në qershor të vitit 2017.
Ndonëse çifti shpeshherë është ndarë, duke mos pasur një lidhje të qëndrueshme, Rihanna ka nxitur thashethemet se së shpejti mund të fejohet dhe të bëhet nënë për herë të parë. Fansat u alarmuan kur panë të hënën se bukuroshja 31-vjeçare kishte pëlqyer një video në Instagram që fliste për të ardhmen me partnerin e saj. Ndonëse zërat prej kohësh po flasin se ajo është shtatzënë, vetë ajo ka zgjedhur që të heshtë.
