Ylli i muzikës, Rihanna, së fundmi thuhet se është shtatzënë dhe dyshimet rreth këtij lajmi janë ngritur nga vetë ajo. Mbrëmjen e kaluar Rihanna ishte pjesëmarrëse në shfaqjen “Essence Diamond Ball” dhe gjatë fjalimit të saj ajo la të nënkuptohej se është në pritje të ëmbël.
Vlen të theksohet fakti se dukej magjepsëse me një fustan bardh e zi, të fryrë në pjesën fundore, mirëpo sytë na mbetën te barku i Rihanna-s. Pothuajse në çdo foto ajo mundohej disi ta mbulonte me duar, por megjithatë të gjithë kanë arritur ta vënë re barkun e rrumbullakosur.
“Unë jam një femër me ngjyrë, më ka dhënë jetë një femër me ngjyrë, së cilës i ka dhënë jetë një femër me ngjyrë dhe unë do i jap jetë një vajze me ngjyrë”, ka thënë këngëtarja.
https://www.instagram.com/p/B2VX2zZAe_U/?utm_source=ig_embed&utm_campaign=embed_video_watch_again
Pas kësaj deklarate përdoruesit e rrjeteve sociale shprehen të bindur se Rihanna është shtatzënë me të dashurin e saj Hassan Jameel dhe fëmija që po pret është vajzë.
