Gjatë ditëve të fundit, moderatorja e mirënjohur Alketa Vejsiu është hakmarrë ndaj kolegëve të saj, pasi ata e ironizuan për paraqitjen e saj si prezantuese në Festivalin e RTSH-së. Përmes revistës “Classs”, Vejsiu ka thumbuar Xhemi Shehun dhe motrat Vjollca, duke i dedikuar dy postimi më vete, për të cilat më pas është penduar, duke fshirë gjithçka të shkruar.
Në mbështetje të Xhemit u vu menjëherë aktori i humorit Rezart Veleshnja. Ai ka ndarë me ndjekësit e tij në rrjetet sociale një video, duke ironizuar shpejtësinë në artikulim të Alketa Vejsiut. Me sa duket, sulmi që moderatorja Vejsiu i bëri tre kolegëve, me të cilat ai ka mjaft shoqëri (Xhemi Shehut, Luana Vjollcës dhe Marina Vjollcës), nuk i ka pëlqyer aspak.
Aq është dashur që Veleshnja të mos i ndahet moderatores së “Tv Klan”, Alketa Vejsiut, duke i publikuar video ku ajo flet shpejt dhe pa u kuptuar. “Eminem jep dorëheqjen”, ka shkruar ai bashkëngjitur videos në fjalë.
