Pas përfundimit të procesit të votimit, presidenti Trump hodhi akuza ndaj kundërshtarit të tij, Joe Biden, për përpjekje të manipulimit të votave.
Këtyre deklaratave i është përgjigjur menaxherja e fushatës së Biden, Jen O’Malley Dillon, e cila është shprehur se deklarata e Trump ishte fyese, e paprecedentë dhe e pasaktë.
“Deklarata e presidentit sonte në lidhje me përpjekjen për të mbyllur numërimin e votave të hedhura në mënyrë të rregullt ishte fyese, e paprecedentë dhe e pasaktë.
Ishte mizore, sepse është një përpjekje e zhveshur për të hequr të drejtat demokratike të qytetarëve amerikanë. Ishte e pashembullt, sepse asnjëherë më parë në historinë tonë një president i Shteteve të Bashkuara nuk është përpjekur të zhveshë zërin e amerikanëve në zgjedhjet kombëtare.
Duke inkurajuar përpjekjet e Republikanëve në shumë shtete, për të parandaluar numërimin ligjor të këtyre fletëve të votimit para ditës së zgjedhjeve, tani Donald Trump po thotë se këto fletëvotime nuk mund të numërohen as pas ditës së zgjedhjeve.
Dhe ishte e pasaktë, sepse nuk do të ndodhë. Numërimi nuk do të ndalet. Do të vazhdojë derisa të numërohet çdo votë e hedhur siç duhet. Sepse kjo është ajo që kërkojnë ligjet tona, ligjet që mbrojnë të drejtën kushtetuese të çdo amerikani për të votuar”, tha Dillon.
Trump ka deklaruar fitoren gjatë një konference për shtyp, ndonëse deri në këto momente kryeson Biden.
Sipas rezultateve të publikuara nga BBC, kandidati Joe Biden ka 224 vota elektorale ndërkohë që presidenti Trump ka arritur të sigurojë 213 vota elektorale, deri në këto momente.
Për të fituar presidencën nevojiten 270 vota.
