Territori shqiptar deri në orët e mesditës dhe pasdites do të jetë me kthjellime dhe kalime të pakta vranësirash, ku më të dukshme vranësirat do të jenë në zonat malore.
Por në vijim vranësirat do të shtohen, duke sjellë reshje të pakta dëbore në veri, ndërsa në jug do të ketë reshje shiu dhe dëbore të pakët.
Sipas Meteoalb, temperaturat e ajrit do të rriten lehtë në mëngjes, por do të ulen në mesditë duke luhatur vlerat ditore nga 0 gradë Celsius në 16 gradë Celsius.
Era do të fryjë mesatarisht me shpejtësi mbi 35 km/h nga drejtimi verior, duke sjellë dallgëzim deri në 3 ballë.
