Ditën e sotme priten reshje mesatare shiu në qarkun e Dibrës, ndërsa në qarqet e tjera priten reshje të dobëta.
Në qarqet Shkodër, Kukës, Lezhë, Durrës, Tiranë, Elbasan dhe Berat priten reshje lokalisht mesatare. Në veri-lindje të vendit pritet që reshjet e borës të zbresin deri në lartësinë 400 m mbi nivelin e detit.
Temperaturat minimale dhe maksimale të ajrit pritet të arrijnë: në bregdet: 8 / 17 °C; në vendet e ulëta 5 / 15 °C; në vendet malore: -1 / 5 °C.
Ndërkohë, era pritet të fryjë mesatare, ndërsa në bregdet ajo pritet të fryjë deri e fortë.
