Lidhur me sondazhin për largimin e shqiptarëve nga vendi, një debat mjaft i nxehtë është krijuar në emision “Tempora” në “RTV Ora”. Artur Zheji dhe Dritan Hila janë përplasur në studion e emisionit, pasi për këtë të fundit, fakti se 62% e shqiptarëve duan të largohen nga vendi, nuk ishte një situatë shqetësuese. Madje Hila është i mendimit se njerëzit nuk ikin nga një qeveri e keqe, por nga mungesa e shpresës.
Pjesë nga debati:
Hila: Keni një sociolog shumë të mirë Kosta Bajraba, i cili në bashkëpunim me Universitetin e Barit ka bërë një analizë të jashtëzakonshme të emigracionit shqiptar, ku rezulton se në vit në Shqipëri ikin rreth 50 mijë shqiptarë. Rritja natyrore e popullsisë.
Meço: 62% e shqiptarëve duan të ikin, jo ikin nga vendi.
Hila: Do dalim tek 62% se nuk është ndonjë gjë dramatike, sepse në 2008 në Greqi donin më shumë të iknin. Po nuk dua ta zbus.
Zheji: E ke gabim, referoju mendimeve të tua, pa ju referuar të mijave. Në analizë rri me këmbët e tua, mos u merr me mua.
Hila: Njerëzit nuk ikin nga një qeveri e keqe, ikin nga mungesa e shpresës.
Zheji: Qeveria ka ik për lesh.
