Për fat të keq, është shtuar bilanci negativ si pasojë e koronavirusit në vend. Ministria e Shëndetësisë njofton se ka ndërruar jetë një pacient mëngjesin e sotëm. COVID-19 i ka marrë jetën një 78-vjeçari nga Durrësi.
78-vjeçari ka ndërruar jetë në Spitalin Infektiv. Ai kishte 3 ditë i intubuar si dhe vuante nga hipertensioni. Me këtë rast shkon në 16 numri i viktimave nga koronavirusi në Shqipëri.
Në përditësimin e të dhënave për ditën e sotme, u bë me dije se janë 18 raste të reja në gjithë Shqipërinë dhe 277 në total.
Në Shërbimin Infektiv janë 81 të shtruar, 8 në terapi intensive ndërsa 4 janë të intubuar. Pjesa tjetër në gjendje të stabilizuar.
Harta
Tiranë 143 raste
Durrës 30 raste
Lushnje 4 raste
Elbasan 8 raste
Fier 23 raste
Kavajë 6 raste
Rrogozhinë 2 raste
Korçë 16 raste
Vlorë 5 raste
Shkodër 10 raste
Lezhë 6 raste
Berat 1 rast
Has 8 raste
