Tre persona të tjerë kanë humbur jetën nga koronavirusi ditën e sotme në Maqedoninë e Veriut.
Sipas Ministrisë së Shëndetësisë, viktimat janë nga Kumanova, 85-vjeçar, Krusheva, 77-vjeçar dhe Llabinusha e Strugës, 64-vjeçar.
Ky i fundit ka ndërruar jetë para tre ditëve, por vetëm sot është konstatuar se vuante nga koronavirusi. Gjatë 24 orëve të fundit janë regjistruar 36 raste të reja, duke e çuar në 1,117 numrin total të personave të infektuar.
22 raste janë regjistruar në Shkup, ndërsa 4 raste në Kumanovë. Ndërkohë raportohet se janë shëruar edhe 18 persona të tjerë, teksa shkon në 139 numri total i të shëruarve.
