Dy persona kanë humbur betejën me koronavirusin. Ministria e Shëndetësisë konfirmon se bëhet fjalë për dy persona, të cilët nuk ia kanë dalë dot mbanë në Spitalin Infektiv.
Ministria informon se ka vdekur një 73-vjeçare nga Shkodra dhe një 67-vjeçar nga Tirana.
Me dy rastet e fundit, ka shkuar në 41 numri i personave që nuk ia kanë dalë mbanë përballë pandemisë që ka mbërthyer botën.
NJOFTIMI
Gjatë orëve të fundit, një pacient 67-vjeçar nga Tirana ka ndërruar jetë në spitalin infektiv, i prekur nga COVID19, me disa sëmundje bashkëshoqëruese, pavarësisht perpjekjeve të stafit mjekësor. Pas nje rëndimi të papritur, 67-vjeçari nuk arriti të mbijetojë nga disfunksioni kardio-respirator, pavarësisht terapisë intensive medikamentoze dhe ventilimit mekanik. 67-vjeçari vuante nga diabeti, fibrilacion atrial, hipertension dhe alzheimer.
Më herët, po në spitalin infektiv ndërroi jetë nga COVID19 një paciente 73-vjeçare nga Shkodra, e cila vuante nga hipertensioni, e shtruar prej disa ditësh në terapi intensive në gjendje të rëndë. Pavarësisht mjekimit dhe asistencës mjekësore, 73-vjecarja nuk mundi të mbijetojë.
Ministria e Shëndetësisë i shpreh ngushëllime familjeve të të ndjerëve që humbën njerëzit e dashur në këtë betejë të vështirë. Nga fillimi i epidemisë, 41 qytetarë nuk e kanë fituar dot betejën me COVID19.
