Cristiano Ronaldo vazhdon të thyej rekorde edhe pse moshën e ka në të kundërt. Me dy golat që shënoi në sfidën e fundit përballë Alaves, në fitoren e Real Madrid 4-0, ka arritur kuotën e 300 golave në La Liga. Që nga momenti kur u transferua në Spanjë, portugezi ka zhvilluar 285 ndeshje. Plot 9 sezone më vonë, mesatarja e tij e golave është plot 1.05 gola në ndeshje.
Më shumë se një gol për ndeshje të luajtur. Një sulmues monstruoz me një statistikë barbare ndaj çdo sulmuesi tjetër, kurrë më parë e dëshmuar, për të qenë absolutisht golashënuesi më i mirë në historinë e La Liga. Madje yllit të Real Madrid i janë dashur 41 ndeshje më pak se rivali i tij, Messi, për të arritur në kuotën e 300 golave. Argjentinasi ka arritur kuotën e 300 golave vetëm në ndeshjen e tij të 326, dhe aktualisht është i vetmi në klasifikimin e golashënuesve më të mirë të të gjitha kohërave në La Liga, që renditet para Ronaldos, me 368 gola në 406 ndeshje.
Që nga mbërritja e tij në Spanjë, Ronaldo u ka shënuar golat e tij plot 31 skuadrave kundërshtare të Real Madrid. Ai është i vemti futbollist në historinë e Real Madrid që ka arritur shifrën e 300 golave në historinë e kompeticionit. Janë vetëm dy kundërshtarët e Real Madrid, me të cilët është përballur në kompeticionet kombëtare, por që nuk kanë provuar shijen e golave të Ronaldos, Leganés dhe Girona.
Pavarësisht të gjitha fjalëve dhe kritikave, statistikat e Cristiano Ronaldos këtë sezon janë në nivelet më të larta. Pavarësisht të gjithave, në momentin e shënimit të golit të dytë këtë të shtunë ndaj Alaves, Ronaldo barazoi Leo Messin në kuotën e 28 golave në të gjitha kompeticionet e këtij viti, ndonëse ka luajtur 7 ndeshje më pak se argjentinasi.
Klasifikimi i golashënuesve më të mëdhenj në historinë e La Liga
Messi 368 gola 406 ndeshje 0.90 gola / ndeshje
Cristiano Ronaldo 300 gola 285 ndeshje 1.04 gola / ndeshje
Zarra 251 gola 277 ndeshje 0.90 gola / ndeshje
Hugo Sánchez 234 gola 347 ndeshje 0.67 gola / ndeshje
Raúl 228 gola 550 ndeshje 0.41 gola / ndeshje
Di Stéfano 227 gola 329 ndeshje 0.68 gola / ndeshje
César 222 gola 353 ndeshje 0.62 gola / ndeshje
Quini 219 gola 448 ndeshje 0.48 gola / ndeshje
Pahiño 210 gola 278 ndeshje 0.75 gola / ndeshje
World 195 gola 229 ndeshje 0.85 gola / ndeshje
